Tvöföld barokkveisla - Sígildir sunnudagar

Strengjasveitin Spiccato og Flygladúóið Sóley sameina krafta sína og efna til tónleika með tveimur tvöföldum konsertum eftir tvö af stærstu tónskáldum barokktímans, Bach og Vivaldi. Að auki hljóma valin verk frá barokktímanum sem löngum hafa verið í uppáhaldi margra og má því búast við sannkallaðri barokkveislu. Þetta er í fyrsta sinn sem þessir tveir hópar vinna saman og munu þeir bæði flytja verk hvor í sínu lagi og saman. Konsert BWV 1060 er talinn eini konsertinn úr smiðju Bachs sem hann umritaði sjálfur fyrir tvö hljómborð, en hann samdi konsertinn upphaflega fyrir fiðlu og óbó. Ekki er vitað til þess að konsertinn hafi verið fluttur hér á landi áður í þessari hljóðfærasamsetningu og e