Óperudagar 2026: Ljóð fyrir framtíðina | Fjölskyldudagskrá Hörpu

Ljóð fyrir framtíðina Staður: Norðurljós í Hörpu Dagsetning: Laugardagur 31. október Tími: Kl. 11:00 Aldur: 5–15 ára Aðgangur: Ókeypis Í samstarfi við: Óperudaga Hvernig hljómar framtíðin þegar börn fá að yrkja um hana? Í Ljóðum fyrir framtíðina mætast ljóð, tónlist og myndlist í fjölbreyttri og skapandi dagskrá þar sem sköpunarkraftur barna er í aðalhlutverki. Barnakórar og söngvarar flytja ný og eldri verk eftir íslensk og norræn tónskáld við ljóð barna. Krakkar stíga einnig sjálf á svið og lesa upp eigin ljóð og myndverkum þeirra verður varpað á skjá meðan á tónlistarflutningnum stendur. Hér fá raddir, hugmyndir og listsköpun barna að njóta sín – og framtíðin er þeirra að túlka.