Heimshorna á milli - Sinfóníuhljómsveit Íslands

Barbara Hannigan, blokkflautusnillingurinn Lucie Horsch og hópur hljóðfæraleikara úr Sinfóníuhljómsveit Íslands bjóða tónleikagestum í spennandi óvissuferð þar sem þjóð- og dægur- tónlist frá ólíkum heimshornum er borin fram. Hér heyrum við frábærar útsetningar Luciano Berio á þjóðlögum ýmissa landa í flutningi Barböru Hannigan, kraftmikla austur-evrópska takta sem urðu Bartók að innblæstri og dillandi suðræna blokkflautu-slagara. Þegar við bætist partítónlist eftir Charlie Parker og þjóðlagaarfur Íslands verða þessir tónleikar að sannkallaðri veislu fyrir augu og eyru með listamönnum á heimsmælikvarða. Hljómsveitarstjóri og einsöngvari Barbara Hannigan Einleikari og einsöngvari Lucie Horsch