Felemakaren - ei konsertframsyning

«Felemakaren» tek publikum inn i hjartet av felemakarverkstaden. Med utgangspunkt i vossingen Sigvald Rørlien sitt lange virke som felemakar inviterer skodespelar Morten Svartveit og spelemann Alexander Aga Røynstrand til ei reise gjennom treverk, handverk og klang. Med seg har dei eit stjernelag av hardingfelespelarar. Vi følgjer livsløpet til ei hardingfele: frå grantreet i skogen og trestykket som kjem inn i verkstaden, gjennom utforming, høvling, pussing, liming og montering, heilt til bogen møter strengene for første gong.